Киир

Киир

 

Сайыҥҥы кэмҥэ Дьокуускай куоракка 58 сынньалаҥ уонна чэбдигирдии оҕо тэрилтэлэрин арыйыы былааннанар. Ол туһунан Дьокуускай куорат үөрэҕириитин салайааччыта Алексей Семенов, Ил Түмэн ыыппыт төгүрүк остуол тула кэпсэтиигэ иһитиннэрдэ.

«2021 сыллаахха, сайын, 58 сынньалаҥ уонна чэбдигирдии оҕо тэрилтэлэрин арыйыы былааннанар 6808 оҕону иилэ хабан, ол иһигэр 50 күнүскү лааҕыр – 5276 оҕолоох, 5 куорат таһынааҕы хонор-өрүүр лааҕыр – 1150 оҕону ылар ону таһынан 3 үлэ уонна сынньалаҥ лааҕыра – 380 оҕолоох уонна 8 туристическай тыаҕа тахсыылар – 512 оҕону илдьэ барыылаах», - диэн иһитиннэрдэ Алексей Семенов.

Санатар эбит буоллахха, олох ыарахан балаһыанньатыгар сылдьар уонна профилактическай учуокка сылдьар оҕолор сынньалаҥнарын уонна чэбдигирдиилэрин тэрийиигэ, «Дьокуускай куорат үөрэхтээһинин 2018 – 2022 сылларга сайыннарыы» муниципальнай бырагыраамма усчуотуттан барыта 2,184 мөлүйүөн солкуобай көрүлүннэ.

Алексей Семенов иһитэннэрэринэн, матырыйаалынай өйөбүлгэ харчы көрүлүннэ 770 оҕоҕо, ол иһигэр 60 Жатай бөһүөлэк сокуоннай саастарын ситэ илик оҕолоругар. «Материальнай өйөбүл ыйга 4 732 солкуобай буолуоҕа, урукку сыллары кытта тэҥнээтэххэ көмө – 9% улаатта», - диэн бэлиэтээтэ кини.

Уопсастыбыннаһы уонна Көрдөрөр Иһитиннэрэр Эйгэлэри кытта Департамеҥҥа ахтыбыттарынан, ааспыт дьыл оҕо сынньалаҥ, чэбдигирдии лааҕырдарын арыйыы холкута суох эпидемиологическай быһыы-майгыттан сылтаан бобуллубута. 2020 сылга, бэс ыйыттан ыраахтан олорон оҕону эбии үөрэтэр-сайыннарар бырагыраамалар үлэлээбиттэрэ, 1880 үөрэнээччилэр кыттыыны ылбыттара. Ону таһынан олохтоох уопсай үөрэхтээһин тэрилтэлэр истэринэн, 12 сайыҥҥы оскуола үлэлээбитэ, 1084 үөрэнээччини хабан туран. Эбии үөрэхтээһин тэрилтэлэрэ онлайн-формакка 97 маассабай тэрээһин ыыппыттара, 5 685 оҕо кыттыылаах, дьиэ кэргэҥҥэ дьарыктаныы көрүҥүнэн 10 884 оҕо иилэ хабыллан дьарыктаммыта.

Тарҕат:

Санааҕын суруй

Бүтэһик сонуннар