Саха сирин инновацияҕа Министиэристибэтэ иһитиннэрэринэн, сэтинньи 17 күнүгэр киэһэ 20.00 ч. 21.00 ч. диэри РТРС маннааҕы салаата Дьокуускай телебашнятын хара саарыл (фиолетовай) өҥнөөх гына уматыа.
Башня Норуоттар икки ардыларынааҕы кэмин иннинэ төрөөбүт оҕолор күннэригэр анаммыт «Мне не фиолетово» диэн бүтүн Арассыыйатааҕы социальнай аахсыйаны өйөөн туран хара саарыл өҥүнэн умайыа. Аахсыйаны сыл ахсын «Право на чудо» арассыыйатааҕы пуонда ыытар эбит.
Хара саарыл өҥ - бу пуонда официальнай өҥө уонна эрэли, аһыныгас, аһаҕас буолууну бэлиэтиир эбит.
Норуоттар икки ардыларынааҕы кэмин иннигэр төрөөбүт оҕолор күннэрэ 2009 сыллаахха сэтинньи 17 күнүгэр үөдүйбүт, маныаха сүрүн көҕүлээччинэн саҥа төрөөбүт оҕону көрүү Дьопуруопатааҕы пуондата буолбут.
Сыл ахсын сиргэ 15 мөл. кэриэтэ оҕо кэмин иннинэ төрүүр, бу балартан биир мөлүйүөнтэн тахса оҕо сотору кэминэн өлөөхтүүр, оттон үгүс кырачаан ыарыһах буолан хаалар эбит.
Дьокуускайы кытта сэргэ РТРС атын куораттарын салааларыгар, Пермьҥэ, Тверьгэ, Казаньҥа уо.д.а. хара саарыл өҥү башняларыгар уматыахтара. Маны таһынан, дойдубут киин куоратыгар Москуба Останкинскай телебашнята бу өҥүэн сандаарыа.
