Ааспыт сыл сэтинньитигэр-ахсынньытыгар Турцияҕа дьиэ атыылаһар Арассыыйа олохтооҕун ахсаана, 2020 сылга тэҥнээтэххэ, 75 % улааппыт.
Барыта холбоон, 2021 сыл устата Турцияҕа биһиги дьоммут 5,4 тыһ. дьиэни-уоту атыыласпыттар. Уопсайынан, Турцияҕа биир сыл иһигэр дьиэни атыылаһар дьон ахсаана 44 % эбиллибит. Саамай тууһугуран туран атыылаһалааччылар – ираннар уонна ирактар. Арассыыйа олохтоохторо 3-с миэстэҕэ сылдьаллар.
Дьон маассабайдык Турцияҕа дьиэ-уот атыылаһан барбытын ырытааччылар лира (Турция валютата) кууруһа сиҥниитин кытта сибээстииллэр. Туох да диэбит иһин, дьон ханнык эрэ дойдуга дьиэни-уоту атыылаһара – ол дойду бигэ, үчүгэй туругун туоһута. Ол курдук, Афганистаҥҥа дуу, Сомалига дуу, бэл Арассыыйаҕа, тас дойдулартан кимнээх эрэ күргүөмүнэн дьиэ атыылаһан эрэр сурахтара иһиллибэт.
