Киир

Киир

Болугурдааҕы олохтоох бибилэтиэкэ дойду, өрөспүүбүлүкэ аахсыйаларыттан туора турбакка сыл аайы сахалыы, нууччалыы дьыктааны нэһилиэнньэҕэ суруйтарар. Сыл аайы кыттааччы ахсаана элбээн иһэрэ үлэһиттэри үөрдэр.

Болугур 2

«Бары бүттүүн дьыктаан» аахсыйа 2004 сыллаахха Новосибирскай куораттан саҕаланан 2011 сылтан дойду таһымыгар тахсыбыта. Бу тэрээһин оҕотуттан улахан дьоҥҥо тиийэ таба суруйар дьон ахсаана элбиирин көҕүлүүр сыаллаах тэриллэр. Бу сылга дьыктаан киининэн Ярославль куорат буолла. Тиэкиһи сыл аайы уларытан, билиилээх суруйааччылар, тыл үөрэхтээхтэрэ анаан-минээн бэлэмнииллэр. Быйылгыны

Марина Степанова диэн суруйааччы, тылбаасчыт, сценарист суруйда. Биһиги нэһилиэкпитигэр сыл аайы көтүппэккэ, көхтөөхтүк кыттар ааҕааччыларбытынан Туйара Шестакова, Елена Жиркова, Зоя Аммосова, Мария Баишева буолаллар. Тиэкиһи СӨ үөрэҕириитин бочуоттаах бэтэрээнэ, нуучча тылын учуутала, көхтөөх ааҕааччыбыт Галина Неустроева суруйтарда. Түмүккэ «туйгун» сыанаҕа балыыһа акушерката Любовь Ноговицына суруйан «Бастыҥ суруксут» аатын ылла.

Болугур 3

Ону таһынан Антонина Кузьмина, Елена Жиркова, Туяра Шестакова, Мария Филиппова «үчүгэй» суруксуттарынан буоллулар. Эдэриттэн аҕа саастаах дьоҥҥо тиийэ араас эйгэ үлэһиттэрэ кыттыбыттара үөрдэр, көхтөөх дьоммутугар истиҥ махталбытын тиэрдэбит, - диэн кылаабынай бибилэтиэкэр Марианна Егорова этэр.

Алтана Артемьева.

«Амма олоҕо»

Тарҕат:

Санааҕын суруй