Бу өҥөнү оҥорууга СӨ Үпкэ министиэритибэтэ 7,4 мөл. солк. барыыр былааннаах.
Куонкурус докумуоннарыгар сурулларынан, эмиссия 11,5 млрд солк. диэн. Болдьоҕо – 10 сыл. Эмитент ыйарынан, облигация туспа транш уонна таһаарыы быһыытынан ыытыллыан сөп.
Бу иннинэ Саха сирин былаастара 2018 сылга судаарыстыбаннай иэһи кыччатарга сууматын улаатыннарар былааннаахтарын эппиттэрэ. 2019 сылга ырыынактан ылыы суумата 4,5 млрд солк. улаатыннарыахтаахтар, оттон 2020 сылга – ырыынактан харчыны угуйарга 151 мөл. солк. көрүллүөхтээх.
Олунньу 1 күнүнээҕи туругунан, Саха сирин судаарыстыбаннай иэһэ 51,3 млрд солк. тэҥнэспит. Бу иэскэ сыаналаах кумааҕыны таһаарыы саамай элбэҕи ылар – 16,6 млрд солк. Икки миллиартан кыра харчы федеральнай бүддьүөттэн ссуданы ылыыга дуогабарга уонна сөбүлэһиигэ ыытыллыбыт.
2018 сылга Саха сирин бүддьүөтүн дохуота 169 млрд 772 солк. буолуохтаах, 2019 – 156 млрд 638 солк., 2020 сылга – 166 млрд 680 мөл. солк. Ороскуот – 171 млрд 300 солк. (2017), 158 млрд 481 мөл. солк. – 2018 сылга уонна 168 млрд 129 мөл. солк. – 2019 сылга.
2018 сылга дефицит – 1 млрд. 527 мөл. солк., оттон 2019 сылга – 1 млрд 843 мөл. солк. уонна 2020 сылга – 1 млрд 448 мөл. солк.
