Киир

Киир

Аан дойдуну атыйахтаах уу курдук ытыйан эрэр абааһы хамсыгар хаайтаран, хата, таах олоруохтааҕар урукку суруйууларбын бэрийэбин. Ол олордохпуна, “Саха сирэ” хаһыакка 2006 с. тахсыбыт “Ыардары кэрэнэн кыайаары” диэн суруйуум харахпар хатанна. “Бай, туох туһунан буоллаҕай?..” диэн көрбүтүм композитор, ырыа айааччы Алексей Калининскайы суруйбут эбиппин. Барытын хатылыыр наадата суох, ырыаларын, тэрийэр, салайар, үөрэтэр, дьону түмэр дьоҕурун билиһиннэрбиппин, түмүгэр абылаҥнаах айар үлэтэ сыаналаныан, бэлиэтэниэн аһара баҕарбыппын...

Соҕотох киһи холугар үлүгэрдээх үлэ

0 2

Быһаччы этэбин, Алексей Кириллович айар үлэтин аартыгын аһыаҕыттан суруйбутун, тэрийбитин, оҥорбутун, дьонун-сэргэтин сомоҕолообутун, үөрдүбүтүн-көтүппүтүн, астыннарбытын барытын биир сиргэ түмэр киһи, саар булгунньах саҕа буолан ыраахтан көстүө этэ, туох да саарбаҕа суох. Кини, бастатан туран, сырдатар-педагогическай үлэни өрө туппута, атыннык эттэхпинэ, айылҕаттан айыллыбыт улахан учуутал диэхтээхпин. Нэһилиэнньэҕэ төрөөбүт дойду кэрэтин, онно таптал күүһүн ырыанан кэпсээн, оскуола оҕолоругар үөрэнэр методическай посуобуйалары, бырагыраамалары, оҥортоон туран, эдэр ыччаты муусукаҕа уонна ырыаҕа иитэн, ырыа дириҥ ис хоһоонун өйдөтөн. Үөрэрим баар, ону дьоно-сэргэтэ билэр уонна ылынар. Оттон кэнники кэмҥэ үгэскэ киирбит үтүө санаа, аһымал аахсыйалара, пуондалара кини кыттыыта суох ыытыллыбаттар ээ. Бу барыта Алексей  Ырыа сүрүн үөһүнэн, ханна да туора-маары ойуолаабакка, дьулурҕатык устан иһэрин кэрэһилиир.

Кураанаҕынан куолулаабат инниттэн ону аҕыйах холобурунан бигэргэтэбин. 2009 с. “Сахабыт саргытын айхаллаа” бырайыагы оҥорон таһаарбыта оскуолаҕа классика буолбут ‒ сахалыы ырыалары үөрэтиилэригэр. Эһиилигэр лицей-центргэ инбэлиит оҕолорго анаан “Музыканан эмтиибит”, “Айыы Уола – биһиги суолдьут сулуспут” бырайыактары саҕалаан олоххо киллэрбитэ. Онтон, тута сөрөөн, “СӨ-гэр ырыа искусствотын сайдыытын концепцията” бырайыагы салайан оҥороннор Духуобунас форумугар 2011 с. бигэргэппиттэрэ. Оттон кэнники 2013 с. “Ырыа күнүн” бырайыага хайдах курдук сылтан сыл далааһыннанан иһэрий? Ил Дархан анал ыйааҕынан Ырыабыт күнэ туспа статустанарын күүтэбит буолбат дуо?

1 2

Салгыы, 2010 с. дойдутугар Куокуйга, Луҥха үрэх үрдүгэр “Сибэкки биһикки” диэн духуобунас искибиэрин туттарбыта быйыл 10 сылын туолар. Айыы Уолугар анаммыт “Ийэҕэ махтал” искибиэри Улахан Ааҥҥа 2014 с. үлэҕэ киллэрбиттэрэ. Кини итини ыҥырыы таһааран, көҕүлээн, тэрийэн саҕалаабыта. Биир сөҕүмэр үлэтинэн 2017 с. Саха сиригэр Ырыа күнэ олохтонорун туһугар 15 000 илии баттааһынын хомуйтарбытын ааҕабын.

1 3

160-тан тахса ырыаны, хоровой-вокальнай айымньыны, хордары, 2 вокальнай сюитаны оҥордо, суруйда. Бэйэтин айымньыларын түмэн кинигэлэрин таһаартарбытын этиэхтээхпин: “Ыллаһыый, Луҥхам долгуна”, “Дьылҕам, миигин эрэн”, “Кэрэҕэ аналбыт”, “Саргыбыт сайыннын”, “Ырыам айар куйаара”. Саха ырыатын сайдыытын сырдатар кинигэлэрэ: “Саха ырыата ‒ кэм-кэрдии тэтиминэн”, “Ырыа күнэ уһугунна”, “Ырыа – төлкөбүт ырата”, “Ырыа күнүн дуораана”, “Ыллыыр омук ‒ кэскиллээх”. Суруллубут суоруллубат дииллэр, ол аата, суруллубут ырыалары, ырыа туһугар олохторун анаабыт дьону өлбөт үйэлээтэҕэ. Бу кинигэлэр тахсыыларыгар, Алексей айар үлэтигэр, аартыгын арыйарыгар, олоҕун доҕоро култуура туйгуна Варвара Иннокентьевна күүс-көмө, өйөбүл буоларын тумнан ааспаппыт. “Дьүһүй” сахалыы ырыа кулуубун иһинэн төһөлөөх айар куттаах доҕотторун кэнсиэрин, көрсүһүүлэрин, семинар-практикуму, төгүрүк остуоллары тэрийдилэр, ыыттылар?

3. Ай ыллас бииргэ Ырыа куонкурса Лицей Центр 2011с

Ааптарыскай куонкурустара, айар кэнсиэртэрэ кини үлэтигэр, мин көрдөхпүнэ, биир сүрүн миэстэни ылаллар. Ол курдук, кэлин сылларга 5 улахан куоҥкуруһу тэрийэн ыыппыта. Сангаарга, Куокуйга (иккитэ), Дьокуускайга ‒ Тулагы Киллэмҥэ, Хатаска. Итини таһынан 10 төгүл айар кэнсиэрин бэлэхтээбитэ. Ол аата, үлэтин-хамнаһын бар дьонугар отчуоттаабыт, көрдөрбүт, билиһиннэрбит.

4 1

4 4. Ырыа Күнэ День Песни Ыам ыйын 21 күнэ 2013

Кэлин Луҥха Өлөксөй өрөгөй ырыаларын суруйууга идэтийэн үлэлиир. Кини суруйбут өрөгөй ырыалара 20-тэн таҕыста. Манна кини таба суолу тутуста дии саныыбын.

Айар куттаах дьон бэйэлэрин суруйууларын видеоклип оҥорторон өссө киэргэтэллэр, байытан биэрэллэр, олох саҥалыы тыынныыллар. Бу аныгы уларыйбыт олохпут биир көрдөбүлүттэн Өлөксөй туора турбакка, дьаныһан туран үөрэнэн, бэйэтэ видеоклибы таҥан оҥорор буолла. Кини оҥорбут 20-чэ клиптэрин көрдөххүнэ, эмиэ отой атын иэйиигэ куустараҕын, ол дойду тыыннаах кэрэтэ, баайа-дуола, айылҕата, дьоно-сэргэтэ, сарсыҥҥы саргыта хараххар бу баардыы көстөр-арыллар. Инньэ гынан, ырыа өссө тупсар, киэркэйэр.

Быйыл харантыыҥҥа олорон, Кыайыы үбүлүөйдээх 75 сылыгар элбэҕи оҥордо, айда: “Параадтаан хаамсыаҕыҥ”, “Лонгинов геройбут”, “Баллада о снайпере”, буойун-суруйааччы Т.Сметанин 100 сааһыгар “Төлөннөөх Түмэппий убайбыт”, И.Гоголев-Кындыл төрөөбүтэ 90 сылыгар “Сахам сирэ барахсан” уонна 1985 с. суруллубут норуот ырыата буолбут “Барыта үчүгэй” ырыаларыгар уо.д.а. Аны 10-ча саҥа ырыаны айан суруйда, ол иһигэр А.Гуринов-Арчылан тылыгар үс ырыаны, бу соторутааҕыта “Дьокуускай хотунум” ырыаҕа клип оҥорон “Саха” НКИХ ханаалыгар таһааран сүрэхтээтилэр. Онтон Н.Михалёва-Сайа тылыгар элбэх ырыалардаах, олортон 1995 с. суруйбут “Барыта баар этэ” ырыаларыгар Сунтаар эр дьонун “Өрөгөй” ансаамбыла клип оҥорторон таһааран, эмиэ “Саха” НКИХ-гар сүрэхтээтилэр, бу барыта көй ситиминэн тарҕатан иһиллэ-көстө турар.

Өссө төгүл этэбин, бу ‒ соҕотох киһи холугар үлүгэрдээх үлэ. Сүрүнэ, айбытыттан, суруйбутуттан дуоһуйан, тохтоон, сөп буолан хаалбакка атынтан атыны, саҥаттан саҥаны көрдөөбүтүнэн барар.

Айар-тутар кэмнэригэр

2. 1991 2020

Мантан тугу көрөбүтүй? Дьиҥэр, Алексей Кириллович ырыалара дохсун ытыс тыаһынан эрэ сыаналаммыт буолбатахтар. Ол да буоллар, ырыалара билигин да ыллана, тарҕана тураллар. Дьиҥэр, Алексей аата-суола суох киһи буолбатах. Ол курдук, кини СӨ култууратын үтүөлээх үлэһитэ, профессиональнай үөрэхтээһин туйгуна, Ил Түмэн, куорат дууматын грамоталара, махталлара, араас атын элбэх бэлиэлэрдээх. Уус Алдан 2-с Байаҕантайын, Кэбээйи улууһун, Мукучутун, Куокуйун, олорор-үлэлиир Хатаһын нэһилиэктэрин холбоон, 5 “бочуоттаах олохтоох” диэн үрдүк ааттаах, СӨ “Гражданскай килбиэн” бэлиэтин кавалера. Өссө “Өрөспүүбүлүкэ албан аатыгар уонна туһатыгар” диэн М.Е. Николаев фондатын лауреата.

4 6

Кини кэмэ кэллэ курдук

“Бар дьон тыла – ох, санаата – батас” дииллэр. Итиэннэ санаа холбостоҕуна, сүбэ түмүлүннэҕинэ кыайтарбатах кыайтарарын билэр буолан дьон-сэргэ тугу этэрин иһиттим.

В.С. Парников, “Кэнчээри” салайааччыта, РФ, САССӨ култуураларын үтүөлээх үлэһитэ:

“А.К. Калининскай 1980 с. мин тэрийбит мелодистар “Тойон Мүрү” түмсүүлэригэр сылдьан бастакы ырыаларын айбыта, ыллаабыта, онон бу түмсүүбүттэн сүрдээх үрдүк таһымнаах, судаарыстыбаннай суолталаах, норуоту сомоҕолуур, улахан артыыстар да, оҕотуттан оҕонньоругар тиийэ боростуой дьон сөбүлээн ыллыыр ырыаларын суруйбут, киэҥник биллэр композитор тахсыбытыттан олуһун үөрэбин уонна киэн туттабын. Кини норуоту түмэр соруктаах Ырыа күнүн олохтооһуну туруулаһан туруорсар бөдөҥ уопсастыбаннай диэйэтэл, саталлаах тэрийээччи, улаханнык ытыктыыр коллегам, үөлээннээҕим. “Норуодунай артыыс” аатыгар бары өттүнэн сөп түбэһэр диэн дорҕоонноохтук этэбин”.

“Он много сделал для развития песенной музыкальной палитры в Якутии, является инициатором, организатором создания Дня песни, который стал объединительным стимулом всех народов Якутии. Его книга “Якутская песня в ритме времени” является энциклопедией по якутской песни. Многогранность творчества Алексея Кирилловича на виду в народе, а сколько его песен стали народными? Да, он заслуживает звания «народный артист»” , ‒ диэбит СӨ үөрэҕин үтүөлээх үлэһитэ, биллиилээх хормейстер Владимир Жирков.

“Про таких говорят: он сочиняет народную музыку, главное его достоинство – мелодия. Она с первых звуков находит дорогу к сердцам не только слушателей Якутии, но также воспринимается и за её пределами. Алексей живёт музыкой, и она для него смысл жизни, он любит людей, природу родного края и это для него главное, что можно услышать в его творчестве и будучи композитором из народа, он с каждым новым сочинением находит мелодические красоты, задушевные мелодии. Звание “народный артист” только подтвердит заслуженную оценку огромного труда композитора во благо своего народа”, ‒ диэбитэ Валерий Ермошкин, 2000 сыллардаахха Дьокуускайга Опера-балет тыйаатырын сүрүн дирижёрунан үлэлээбит, билигин Томскайдааҕы музыка колледжын преподаватель-дирижёра, РФ искусствотын үтүөлээх диэйэтэлэ, композитор.

“Мин Алексей Кирилловичтыын гастрольга сылдьан билсибитим, ырыалара сүрэҕим-быарым ортотунан киирбиттэрэ, сүрдээҕин сөбүлээбитим, ыллыахпын баҕарбытым. Элбэхтик эриһэн, үөрэтэн ырыаларын ыллыыр буолбутум. Кини ырыалара дириҥ уус-уран оҥоһуулаахтар, киэҥ эйгэлээхтэр. Кини курдук үлэлээбит, үлэлиир мелодист ахсааннаах, кини нарын-намчы иэйиитин биэрбит, дууһатын уурбут айымньыларын дьон-сэргэ, дьэ, өйдөөн истэн, аһыллан ыллаан эрэр, айымньылара классика быһыытынан сыаналаныахтаах, сыһыан ураты буолуохтаах. Кини норуодунай ааты сүгэрэ саамай сөптөөх”, ‒ диэбитэ кини ырыаларын толорооччу СӨ норуодунай артыыһа Юрий Баишев.

5

Оттон СӨ норуодунай артыыһа Нина Чигирёва туох диирий?

“Биһиги Алексейдыын музыка училищетыгар биир кэмҥэ үөрэммиппит. Кини ырыаларын сөбүлээн ыллаабытым ыраатта. Дойдутугар Луҥхаҕа “Сибэкки биһикки” искибиэр тутуутун саҕалыырга диэн, онно дьону көҕүлүү, 2009 с., онтон тутуу бүппүтүгэр 2010 с. аһыллыытыгар, 2018 с. 65 сааһыгар анаммыт куонкуруһугар жюрилыы барса сылдьыбытым. Алексей, сахалар, биһи, дьолбутугар төрөөбүт киһи, фанатик үлэһит, оҥорбута-айбыта, тэрийбитэ-ыллаппыта элбэҕэ, ама, кини “норуодунай” буолбатаҕына ким буолуой диэбит курдук”.

6 1

СӨ физическэй култуураҕа үтүөлээх, бочуоттаах үлэһитэ, худуоһунньук, Өлөксөй 42 ырыатын ыллыы сылдьар Захар Фёдоров маннык этэр: “Мин “Саргыбыт сайыннын” ырыаны истээт да, олох атын турукка, эйгэҕэ киирэн ылбытым уонна толкуйдаан баран аһаҕастык санаабын эппитим. “Дьэ, доҕоор, Өлөксөй, испэр олус да өр күүппүт эбиппин маннык ырыаны... Дьэ, бу саха норуотун өрөгөйдөөх ырыатын К.Д. Уткин-Нүһүлгэни кытта айан таһаарбыккыт тоҕо баҕас үчүгэйэй! Бу айымньы Саха сирин өрөгөйүн үрдэтэр күүстээх ырыа, гимн да буолуон сөп...” диэн”.

6 2. Саха ырыата кэм кэрдии тэтиминэн кинигэ Презентацията 2012с Музей музыки

Маннык курдук туоһулаан-мэктиэлээн мин ыйытыыларбар хоруйдаатылар: Өлөксөй үлэлии сылдьар тэрилтэтин “Тускул” култуура киинин дириэктэрэ, СӨ култууратын үтүөлээх үлэһитэ Люция Чепалова, Кэбээйи улууһун култуураҕа салаатын салайар Александр Кычкин, СӨ бочуоттаах олохтооҕо, норуодунай суруйааччы Андрей Кривошапкин, СӨ култууратын үтүөлээх үлэһитэ, бэйиэт Христофор Горохов, СӨ култууратын үтүөлээх үлэһитэ “Тэтим” араадьыйа шеф-эрэдээктэрэ Альбина Тарабукина, РФ үтүөлээх учуутала “Айыы кыһата” оскуола дириэктэрэ Лидия Шамаева.

7. PHOTO 2020 11 13 07 43 36

Уонна суруйуубун социология дуоктара, СӨ билимин үтүөлээх диэйэтэлэ Ульяна Винокурова этиитинэн түмүктүүбүн.

“А.К. Калининский полностью соответствует предъявляемым критериям положения о присвоении звания “Народный артист РС (Я)”, более того, он является признанным подвижником в песеннем искусстве народов республики, нацеленным на воспитание патриотических чувств детей, молодёжи, творческих коллективов и жителей различных территорий. Особое внимание им уделяется группам, нуждающихся в духовном поддержке: детям, слабовидящим, пожилым, инвалидам.

Завершая Год патриотизма, необходимо отметить заслуги выдающихся граждан, свой талант направивших на укрепление духовного иммунитета, обеспечивших силу преемственности поколений в Год 75-летия Победы в ВОВ. Я присоединяюсь к обращениям уважаемых граждан и творцов культурных ценностей, представляющих Алексея Калининского к званию “Народный артист РС (Я)” .

Мин көрдөхпүнэ Алексей Калининскай-Луҥха Өлөксөй өрө көтөн тахсар, утумнаах-тахсыылаах үлэтинэн аатын өссө төгүл дорҕоонноохтук ааттатар күнэ-ыйа үүннэ курдук, доҕоттоор! Оттон эһиги санааҕытыгар?

Милан АФАНАСЬЕВ, СӨ култууратын үтүөлээх үлэһитэ. СӨ суруналыыстыкаҕа судаарыстыбаннай бириэмийэтин лауреата.

 

Тарҕат:

Сэҥээриилэр

Кириллина Ирина
0 Кириллина Ирина 16.11.2020 17:01
Эзэрдэ Алексей Кирилловичка
Ответить
Мария Спиридонова
0 Мария Спиридонова 17.11.2020 20:07
Биир дойдулаахтара Алексей Лунханан киэн туттабыт. Кини ырыаларын Саха норуота барыта ыллыыр. Онон бу суруллубуту барытын Ейуубун.
Ответить
Алгыс
0 Алгыс 16.11.2020 22:03
Олус сөптөөх суруйуу буолбут.
Ответить
Корякина Ольга
0 Корякина Ольга 16.11.2020 22:17
Э5эрдээ,Алексей Кириллович!Ойуубун!
Ответить
Аксиния Бүлүү
0 Аксиния Бүлүү 16.11.2020 22:17
Милан олус сөпкө суруйбут. Я поддерживаю он давно народный артист
Ответить
Лана
0 Лана 16.11.2020 22:30
Наһаа үчүгэйдик суруллубут. Мы тоже восхищаемся Алексеем. Поддерживаем и удачи во всем!
Ответить
Семенова Августина Г
0 Семенова Августина Г 16.11.2020 22:35
Алексей Кириллович я поддерживаю вас
Ответить
Корякина Ольга
0 Корякина Ольга 16.11.2020 22:57
Алексей Кириллович ырыаларыттан Булуутээги народнай хорга, "Ай-ыллаа" вокальнай ансамблга репертурга киирбит ырыалар элбэхтэр. "Дьол ырыа куората";
" Урэхпэр эргиллии"; " Туунну Лена"; "Ырыа кунэ"; "Ого сааьым сарсыардата";
Наьаа иэйиилээх ырыалары айан норуот уоьуттан туспэккэ ылланар ырыалар. Олох саамай септеех хамсааьын буолбут. Ейуубун!
Ответить
Маргарита Лукина
0 Маргарита Лукина 16.11.2020 23:28
Алексей Кириллович, поддерживаю!
Ответить
Екатерина Иннокентье
0 Екатерина Иннокентье 16.11.2020 23:42
Эҕэрдэ Алексей Кирилловичка! Сөптөөх этии, норуодунай артыыс званията иҥэриллэрэ өссө хойутаан турда дии саныыбын! Кини ырыалара ымыы чыычаах буолан киэҥ куйаарга дайбыттара ыраатта. Эдэрдэр кырдьаҕастар уостан түһэрбэккэ ыллыыллар. Нуучча саха киэн тутта гимнары ыллыыллар. Алексей Кириллович истиҥ иһэрэх матыыптара дьон норуот дууһатын уматар, угуттуур, ол буолар композитор ситиһиитэ дии саныыбын!
Ответить
Харитонова Лидия Вас
0 Харитонова Лидия Вас 16.11.2020 23:44
Мин Алексей Кириллович Калининскайы аан бастаан 2004 с Кэбээйигэ бара сылдьан ханнык дэриэбинэтин өйдөөбөппүн,клубка көрсөн билсибиппин.Өҥөс көрүүбэр бу киһи наһаа да үлэтин сөбүлүүр, профессиональнай байаньыыс киһи эбит диэн өйдөбүл хаалбыта.Онтон сыыйа - баайа концертарга көрөр этим,ырыатын олус иэйиилээхтик, дуоһуйан туран толорор этэ, эчи кини , соҕотох бэйэтэ дьону дьону бэйэтигэр күүстээх энергиялааҕа киһини сөхтөрөр.Кини өрүү Хаҥаластарга күндү күүтүүлээх ыалдьыт, ол курдук Христафор Гороховпыт айар биэчэрэ кинитэ суох ааспат, аны Айыы Уолбут аатын үйэтитэргэ олус улахан суолталаах, ылыммыт үлэтигэр олус дьүккүөрдээх буолан саха норуотугар Ырыа күнэ баар, олус элбэх ансаамбылы салайар кырдьык даҕаны бу соҕото киһи холугар баппат кыах, былырыын дойдутугар Куокуйга баран ырыа скверын көрөн, сөҕөн -махтайан кэлбитин, Саха саарыныгар баҕарабын үрдүктэн,үрдүк ситиһиини, уһун дьоллоох олоҕу, дьиэ кэргэнигэр дьолу -соргуну.
Ответить
Евдокия Павлова
0 Евдокия Павлова 16.11.2020 23:46
Алексей Кириллович-Луҥха Өлөксөйү,1985сыллартан Мукучу нэһилиэгэр Музыка оскуолатын арыйан үлэлии кэлиэҕиттэн билэбин.Уонна кэлээт даҕаны тапталлаах кэргэнинээн Варвара Иннокеньевналыын Мукучу кулуубун үлэтигэр сыстыһан Эр дьон"Сата"ырыа ансамбылын тэрийэн,дьахталларга ырыа ансамбылын ,хор тэрийэн оһуобайдаах үчүгэй вокальнай,хоровой,ансамблевай врыалары ыллатан үрдүк ситиһиилэри аҕалбыта,онтон куоракка кэлэн "Дьүһүй "ырыа бөлөҕүн тэрийэн уонна мин Дьокуускай куорат Арчы киинигэр "Күн Дьоно "бөлөҕүн кытары алтыһан араас тэрээһиннэргэ бииргэ айа тута үлэлии сылдьабыт.
Алексей Кирилловиһы-Луҥха Өлөксөйүн биһиги "Күн Дьоно" бөлөх үрдүк наҕараадаҕа өйүүрбүтүн биллэрэбит!
Ответить
Сивцева Матрена Петр
0 Сивцева Матрена Петр 17.11.2020 09:46
Алексей Кириллович олус улэьит киьи,наьаа сурэхтээх!Ситиспититтэн дуоьуйан,уоскуйан хаалбат,салгыы сананы-сонуну кердуур,айар-тутар эриэккэс киьи!Мин Кирилловичтыын 90 с сыллартан билсэн ырыаларын ыллыыбын,,Сырдык ыра,,,,,Ого сааьым сарсыардата,,Барыта учугэй,,Парка5а,, уо.да.атыттар.
Алексей Кириллович ырыаны ,,танара,,оностон Сахатын дьонугар суду улэлэри бэлэх уунна.Кини айбыт ырыалара дьон уоьуттан туспэккэ,еруу ылланаллар,кыратыттан кырдьа5аьыгар тиийэ!Ырыа учууталлара Кирилловиьы чугас до5орбут буолар,оголорго еруу аьа5ас уруоктары бииргэ,кыттыьан ыытабыт.Ол курдук быйыл Народнай поэт И.Гоголев 90 сылыгар аналлаах,,Иэйии ненуе нарын иэйии ситимэ...,,диэн уруокпут табыллан ыытыллыбыта,аныгы уйэ тэтиминэн!
Саха норуота ырыабыт-тойукпут еьен хаалбатыгар суду улэни ис сурэ5иттэн толоро сылдьар киьинэн Алексей Кирилловиьы ааттыыбын! Саха норуотугар ырыа сайдарын туьугар Алексей Кириллович кылаата суду!Билиитэ киэн!Э5эрдэлиибин!Норуот артыыьын аатын биэрэллэрэ саамай септеех!
Ответить
Розалия Колодезников
0 Розалия Колодезников 17.11.2020 10:47
Алексей Кириллович Уус Алдан 2 Байаҕантайыттан силистээх биһиги уус алданнар биир киэн туттар, убаастыыр, ырыа куттаах биир чаҕылхай киһибитинэн буолар.
Өспөх, 2 Байаҕантай нэһилиэктэрин, Биһиги лицейбит - инбэлииттэри идэҕэ туһаайар уонна доруобуйаларын чөлүгэр түһэрэллэригэр көмөнү оҥорор лицей – киин, Байаҕантай ыһыаҕын өрөгөй ырыаларын, Курбуһахтааҕы интернат дьиэ уонна Кыайыы 75 сылынан Лонгинов-биһиги Геройбут ырыалар ааптартадара.
Ответить
Розалия Колодезников
0 Розалия Колодезников 17.11.2020 10:48
Алексей Кирилловиһы кытта лицейгэ үлэлиир кэмнэрбитигэр хас да проекка кыттыһан үлэлээбиппиттэн астынабын. Ол курдук «Айыы Уола - биһиги суолдьут сулуспут”-диэн бырайыагы доруобуйаларынан хааччахтаах эдэр дьоҥҥо хас да сыл үлэлэппиппит түмүгэр Александр Самсоновка сквер тутуллуутун бастакы акылаатын уурсубуппут, "Ай - ыллас бииргэ" республиканскай ырыа күрэҕин икки сылга биирдэ доруобуйаларынан хааччахтаах эдэр ыччат ортотугар күрэҕи сүрүннээбиппит. Онтон кынат үүннэринэн тахсыбыт ыччаттар аҕыйаҕа суохтар. Олор истэригэр: Николай Бандеров, Егор Слепцов уо.д.а..
Ответить
Розалия Колодезников
0 Розалия Колодезников 17.11.2020 10:48
Лицейгэ устудьуоннар уонна үлэһиттэр холбоһуктаах “Дьиэрэй ырыа” вокальнай ансамбылы тэрийэн үлэлэппитэ. Араас күрэхтэргэ кыттан кыайыы өрөгөйүн билбиттэрэ. Алексей Кириллович ырыа айарын таһынан тэрийэр, сүрүннүүр, ыытар үлэтэ кэмэ суох элбэх.
Түгэнинэн туһанан, Алексей Кирилловичка, айар аартыгын аана өрүү аһаҕас буоллун, саҥа ырыаларынан дьоҥҥун сэргэҕин үөрдэ тур диэн баҕа санаабын тиэрдэбин!
Ответить
Розалия Колод-ва
0 Розалия Колод-ва 17.11.2020 10:58
Алексей Кирилловиһы дьиҥ чахчы норуодунай артыыс быһыытынан билинэбин уонна ол аат иҥэриллэрэ буоллар диэн баҕарабын!!!
Ответить
Наталья Сметанина
0 Наталья Сметанина 17.11.2020 12:47
Очень люблю, уважаю и ценю Алексея Кирилловича! Талантливый, преданный и очень продуктивный. Вся жизнь его отдана творчеству и работе. Гимн Ассоциации коренных малочисленных народов Севера РСЯ на слова народного писателя Андрея Кривошапкина подарок всем нам.Наряду с
Государственными гимнами он звучит на самых наших значимых мероприятиях . Очень сердечный , хлебосольный хозяин и семьянин. С супругой вместе они прекрасный семейный и творческий союз. Желаю крепкого здоровья и всего самого лучшего. Поддерживаю всецело. Алексей Кириллович достоин всех наград и званий.
Ответить
Лонгина Пантелеймоно
+1 Лонгина Пантелеймоно 17.11.2020 13:11
Алексей Кириллович- мелодист, музыкант, элбэх ырыа, кинигэ, видеоклип ааптара буолар. Кини ырыаларын профессиональнай, академическай эрэ артистар буолбакка, самодеятельнай ырыаһыттар эмиэ сөбүлээн толороллор. Сүрдээх үлэһит, сэмэй, сүбэһит бэрдэ. Дьокуускай куоракка улахан тэрээһин автора, айар коллективтар, солистар үөрүүнэн кыттабыт "Ырыа Күнэ" кэнсиэрдэгэ. Чахчы, саха ырыатын сайыннарар, пропагандалыыр, кэрэхсэнэр ырыа бырааһынньыга. Алексей Кирилловичка кытаанах доруобуйаны, үөрүүнү баҕарыам этэ! Саҥаттан-саҥа ырыаларын үүнэ, сайда, чэчирии турдун!
Ответить
Лонгина Пантелеймоно
0 Лонгина Пантелеймоно 17.11.2020 13:32
Поддерживаю всем сердцем!
Ответить
Мария Винокурова
0 Мария Винокурова 17.11.2020 14:32
Алексей Кириллович Курбуһахтааҕы кырдьаҕастар уонна инбэлииттэр интернат дьиэлэригэр олус күүтүүлээх, күндү ыалдьыт. Аан бастаан республикатааҕы көрбөттөр бибилитиэкэлэрин кытары тахсан олус киэҥ программалаах биэчэр тэрийбиттэрэ. Онтон 2016 с. интэринээппитигэр анал Гимн суруйан бэлэхтээбитэ. Ол ырыабыт олус табыллыбытыттан үөрэммит клип оҥорбуппут. Бэйэбит анал ырыаланан Алексей Кирилловичка махталбыт муҥура суох. Республикаҕа Ырыа күнүн тэрийиэҕиттэн интэринээппитигэр сылын аайы Ырыа күнүн араас форманан ыытабыт. Нэһилиэкпит иһинэн Ырыа куонкурса тэрийэрбитигэр Алексей Кириллович бэйэтинэн кэлэн дьүүллүүр сүбэни салайбыта. Кырдьаҕастарбыт Алексей Кирилловиһы олус үөрэн көтөн көрсөллөр, кини кэлэн баянын тыаһатан бардаҕына бары даҕаны санаабыт көтөҕүллэн ыллыах туойуох санаабыт тиийэн кэлэр. Алексей Кирилловичка өссө даҕаны ырыа кутун мэлдьи илдьэ сылдьан бар дьонугар үтүөнү, кэрэни бэлэхтии этэҥҥэ сылдьарыгар ис сүрэхпититтэн баҕарабыт! Доруобай буол, дьиэ кэргэҥҥэр бары үтүөнү!
Ответить
Алексей Местников
0 Алексей Местников 17.11.2020 15:55
Оҕо сааспыт доҕоро Луҥха Өлөксөй үйэтин тухары баянын тута сылдьан дьоҥҥо-сэргэҕэ киэҥник биһирэммит элбэх ырыалары, мелодиялары айбыта. Ол туһунан бу ыстатыйаҕа толору суруллубут. Кырдьыга, кини бэйэтин тулхадыйбат талаанынан, сытыы өйүнэн, күүстээх санаатынан, эдэрдии эрчиминэн олох хаамыытын кытта тэҥинэн инники кирбиигэ сылдьар, дьону-сэргэни, эдэр ыччаты үтүөҕэ, сырдыкка, кыайыыга сирдии сылдьар үтүөкэннээх киһи диэтэххэ сыыспаккын. Онон биир кэмҥэ Кэбээйи орто оскуолатын 50 сыл аннараа өттүгэр бүтэрбит доҕотторун ааттарыттан Калининскай Алексей Кирилловичка - Луҥха Өлөксөйгө народнай артыыс аатын иҥэрэри туруорсары оруннааҕынан ааҕабыт уонна тус бэйэтигэр үрдүк ситиһиилэри, чэгиэн дьоллоох олоҕу баҕарабыт.
Ответить
Гимназия Дьиэрэйдэрэ
0 Гимназия Дьиэрэйдэрэ 17.11.2020 16:01
Алексей Кирилловичка-Луҥха Өлөксөйгө,норуодунай аат иҥэриллэрэ саамай сөптөөх. Биһиги гимназиябытыгар киирэ түһээт "Дьиэрэй" ырыа ансаамбылын тэрийэ охсон, араас күрэхтэргэ,тэрээһиннэргэ кытыннарбытынан барбыта. Ол курдук кини дьону,норуоту бэйэтигэр түмэ тардар ураты күүстээх, ырыаһыта да суох киһини ыллаппытынан барар дьикти алыптаах. Оннук эйгэни тэрийэр дьоҕурдаах,сатабыллаах.
Алексей Кириллович,айбыт-туппут ырыаларгын мэлдьи истэбит,сэргиибит. Майгылаах мааныта, сырдык ыраас дууһалаах, олоххо олус тардыһыылаах ,үтүө киһибитинэн киэн тутта холобур оҥостобут! Тапталлаах кэргэҥҥинээн,олоҕуҥ арахсыспат доҕорунаан,сүбэҕитин холбуур күндү киһигинээн,Варяҕынаан,дьоллоохтук-саргылаахтык,дор уобайдык,чөл туруктаах уһуннуук уһуннук олоруҥ,айыҥ-тутуҥ!!!
Ответить
Сивцева Светлана Афа
0 Сивцева Светлана Афа 17.11.2020 18:42
Алексей Кирилловичка эҕэрдэ
Ответить
Екатерина Маркова
0 Екатерина Маркова 17.11.2020 18:46
Мин салайар «Дьурускэн оьуор» вокальнай коллективым тэриллибитэ номнуо 5 сыл буолла. Аан бастакы ырыа кэрэ эйгэтигэр угуйбут музыкальнай салайааччыбыт Алексей Кириллович. Кини сагалаан биьиги улахан хоровой коллективка тиийэ уунэн, араас Аан дойдутаагы конкурстарга, фестивалларга тиийэ ситиьиилээхтик кыттан кэллибит.
Улахан талааннаах ырыа айааччы, мелодист, Сахабыт сиригэр ырыаны пропагандалааччы, ырыа кунун тэрийээччи, элбэх улэни ыытар Алексей Кирилловичка народнай артыыс аатын инэрэр саамай септеех дии саныыбын. Инникитин даганы элбэх ырыа айан уердэ туруо дии саныыбын.
Ответить
Пахомова Марина Петр
0 Пахомова Марина Петр 17.11.2020 19:50
Күндү учууталбын эҕэрдэлиибин, өйүүбүн
Ответить
Мария Спиридонова
-1 Мария Спиридонова 17.11.2020 20:09
Алексей Лунханан биир дойдулаахтара киэн туттабыт. Кини ырыаларын Саха норуота барыта ыллыыр. Ейуубун барытын
Ответить
Татьяна Гаврильева
+1 Татьяна Гаврильева 17.11.2020 20:37
«Барыта үчүгэй» диэн ырыатын дуоһуйа ыллаан киэҥ эйгэҕэ тахсыбытыттан махтанабын да сүгүрүйэбин да. Бу ырыаны уо.д. а ырыаларын дьон киэҥ тутта астына ыллыырыттан сүргэм көтөҕүллэр... холобур оҥостон кэрэ кэпсээн гына кэпсиир норуодунай герой буоларыгар туохтааҕар да күндү буолуох этэ диэн орто саастаах, эдэр көлүөнэ аатыттан сөптөөҕүнэн ааҕарбын суругунан биллэрэбин.
Ответить
Татьяна Гаврильева
0 Татьяна Гаврильева 17.11.2020 20:38
Калининскай А.К. ырыаларын культура үлэһиттэрэ, оскуола педагогтара, куруһуок салайааччылара үлэбитигэр туһанан элбэҕи биллибит, кини таһаарар кинигэлэрин туһанабыт сценарий суруйарбытыгар, тэрээһиннэри ыытарбытыгар, ону тэҥэ репертуар оҥостон ыллатарбытыгар көмөлөөҕүн билинэр наадалаах диэн саныыбын. Луҥха Өлөксөйө дойдутугар Кэбээйи улууһун Арҕас бөһүөлэгэр кылаата элбэх киэҥ далааһынаах, ол курдук, көлүөнэлэр махтанар, көрөр истэр, кэпсээн оҥостор сквердэрэ, элбэх кинигэ ааптара, араас таһымнаах биэчэрдэрэ, тэрээһиннэрэ, кини ырыаларын толорууга ырыа күрэстэрэ, айар тутар искусство дьонун түмүүтэ, хордары, ансаамбыллары тэрийиитэ, Ырыа күнүн олохтообута бу сүҥкэн
суолталааҕынан ааҕабын.
Нам, Хамаҕатта.
Ответить
Ксения Семенова
0 Ксения Семенова 17.11.2020 20:47
Биһиги бүлүүлэр мелодист,композитор А.К.Калининскай айбыт ырыаларын сөбүлээн истэбит,ыллыыбыт.Ол курдук убаастыыр,киэн туттар биир дойдулаахпыт ,поэт И.Гоголев Үчүгэй хоһоонугар музыка суруйан,дьон үоһуттан түһэрбэт ырыата бүолта,араас таһымнаах тэрээһиннэргэ өрүүтүн ылланар бүолан гимн курдук бүолла.Колледж 2022 сылга 100 сааспытын түоларЮбилейбыт бүолүохтаах онно Алексей Кириллович выпускницабыт Г.Фроловалыын Гимн суруйан үөрүүбүтүн үрдэттилэр,саастаах выпускниктарга анаан эргиллибэт эдэр саас вальсын суруйан,музыка оҥорон бэлэхтээтилэр.
Ответить
Ксения Семенова
-1 Ксения Семенова 17.11.2020 20:50
АЛЕКСЕЙ Кириллович үлэни үрүҥ- хара диэн араарбакка дьоҥҥо элбэх сырдык түгэннэри бэлэхтээтэ,ону барытын аахтахха биир улахан Кинигэ тахсар, Патриотизм сылыгар кини дьиҥнээх патриот! Онон түгэн көстүбүтүнэн боростүой үлэһит дьон көрдөһөр Алексей Кириллович үлэтэ бэлиэтэниэхтээх диэн кэтэспиппит ыраатта Норуот артиһа ааты ылара булгуччулаах ,норуотун туһугар биир киһи оҥорбут үлэтэ сөпкө сыаналаныахтаах диэн туруорсабыт!
Ответить
Римма Нестерова
0 Римма Нестерова 17.11.2020 20:52
Мин Булуу куоратыгар 1983 сыллаахтан олохсуйуохпуттан Алексей Кириллович айар улэтин билэбин, интэриэьиргиибин. Бу сыллар тухары учуутал, иитэччи идэтин баһылыахтаах эдэр ыччаты үүнэн-сайдан тахсалларыгар улахан болҕомтобун ууран, музыка кэрэ эйгэтигэр уһуйан үлэлии-хамсыы сылдьабын. Детсад, оскуола алын кылаастарын оҕолоругар, эбии үөрэхтээһин тэрилтэлэригэр үлэлиэхтээх студеннар музыка теориятын, методикатын уонна практикатын баһылыылларыгар бары сатабылбын биэрэн үлэлиирим син үтүө түмүктэрдээҕиттэн үөрэбин.
Ответить
Мария Соловьева
0 Мария Соловьева 17.11.2020 20:58
Алексей Кириллович-Лунха чахчы да дьиннээх патриот,улэтигэр олус бэриниилээх ырыа айаччы буолар.Республикага ырыа сайдарыгар улахан хамсааьыны киллэрбитэ.Ырыа куттаах дьоннор бары билэллэр,сугуруйэллэр.Мин кини «Хааллар миэхэ эдэр сааспын «- диэн ырыатын олус себулуубун .Алексей Кирилловичка багарабын ессе да далааьыннаах,таьаарылаах улэни,ситиьиилэри!
Ответить
Римма Нестерова
0 Римма Нестерова 17.11.2020 21:03
Алексей Кириллович Кэбээйигэ улэлиир сылларыгар « Сата» ансаамбылын кытта Булуутээ5и педколледжка концертаан, кэлин Нина Чигиреваны, Николай Спиридоновы кытта студеннарга « Сахалыы ырыа5а гражданскай позиция» диэн Мастер-кылааьы ыытан билиитин-коруутун уллэстэн, субэ - ама биэрэн, « Сатабыл» диэн уунэр кэлуонэни кэрэ эйгэтигэр киллэрии программатын билиьиннэрэн турардаах
Ответить
Римма Нестерова
0 Римма Нестерова 17.11.2020 21:11
Итинэн сибээстээн Алексей Кирилловичка, саха Ньургун Уолугар, норуотум туьа диэн туунун-кунун аахсыбакка суурэ -кото, субэлии-амалыы, айа-тута сылдьар киьибитигэр « Норуодунай артыыс» анал аат, дьоьун бэлиэ туттарыллара буоллар диэн ба5а санаабын икки илиибинэн куоластыыбын, Урдук Айыыларбыттан сэмээр кордоьобун, сырдык сарданаларбын ыытабын...
Ответить
Уйбаан Прибылых. Бал
0 Уйбаан Прибылых. Бал 17.11.2020 23:14
Дьэ ыстатыйаны ааҕан астынным үлэ бөҕө үлэлэммитэ дьон сэргэ санаата барыта эн зүлэҕин үрдүктүк сыаналыыра итиннэ сурулла сылдьар эбит Мин оннук улахан музыка эйгэтигэр дириҥ билиим суох да буоллар эһиги ырыаларгытын чахчы сөҕө дуоһуйа сөбүлүү истэр ыллыыр ырыаларым Эһи курдук дьоҥҥо үөрэммэтэхпиттэн хомойобун. Онон дьэ убай курдук убаастыыр ытыктыыр киһибэр эйиэхэ туох баар үчүгэйи кытта норуодунай ааты иҥэрдэллэр хайдах диэн баҕабын биллэрэбин
Ответить
Ирина Давидовна
0 Ирина Давидовна 17.11.2020 23:40
Ааҕан билсэн баран олус үөрдүбүт, үтүмэн үлэҥ итиччэ хамсааһын тахсыбыта сыаналаннын! Норуот билиниитэ мээнэ кэлбэт ону норуодунай аат бэриллэр буоллаҕына туоһулаатын барыта табылыннын үрдүк айыылартан көрдөһүөххэ! Этэҥҥэ эрэ буолуҥ! Эдьиийиҥ Ирина, күтүөтүҥ Валентин Ивановтар
Ответить
Айталина Макарова
0 Айталина Макарова 17.11.2020 23:49
Мин музыкаҕа уһуйбут учууталбынан киэн туттабын!!
Өссө да ситиһиилэр үөрдэ турдуннар, аатыҥ ааттана турдун, ырыаларын ыллана турдуннар! Народнай артыыс аатыгар өйүүрбүн этэбин, этэҥҥэ доруобай буолуҥ, үөрэ көтө сылдьыҥ!
Ответить
Саргы Феоктистова
0 Саргы Феоктистова 18.11.2020 00:10
Сахабыт Сиригэр Ырыа Кунун официальнай бырааьынньык кунунэн онотторбут, дьон-сэргэ себулээн истэр, ыллыыр элбэх ырыа, Дьоллоох Дьокуускай куораппыт Гимнын автора Алексей Кирилловичка анардас ити Гимны айбытын эрэ иьин норуот артыыьа ааты инэриэххэ сеп этэ дии саныыбын.
Мин маамам Мария Павловна ырыаларын дискэтин таьаарсыбытыгар махталбыт суду улахан. «Саргы баар» диэн Алексей Кириллович ырыата маамам визитнай карточката буолар.
Лунха атын да ырыалара наьаа позитивнайдар, киьи ейугэр-санаатыгар дебеннук киирэр ис хоьоонноох, мелодиялаах буоланнар.
Айар-тутар талааннар сугуруйэбит, ессе да элбэх ырыаны айаргар, культура эйгэтигэр элбэх сыралаах улэн утуе тумуктэри агаларыгар багарабыт.
Ответить
Акминия Обутова
0 Акминия Обутова 18.11.2020 00:12
Бииргэ уорэммит табаапыспыт Алексей Калининскай туьунан ааган баран олус уордубут, киэн тутуннубут да. Алексей мелодист быьыытынан дьон сугуруйуутун ылыан ылар, кини угус ырыалара уостан туспэккэ ылланаллар. Алексей ис дууьатынан ырыа куттаах, дьонугар сэргэтигэр ырыа, музыка нонуо утуону кэрэни таргатар, дьон талаанын арыйар дьогурдаах. Ол курдук, биир бириэмэгэ ИПКРОга улэлии сылдьан бииргэ улэлиир коллегаларын талаанын таьааран ырыага уьуйбута. Алексей дьайыытынан Илья Черноградскай, Дима Ершов бэртээхэй ырыалары ыллаан дьону сэргэни уордэллэрэ,. Алексей ырыаларын бары да собулээн ыллыырбыт. Оссо да элбэх кэрэ ырыалары айа турдун. Чахчы да киьи согор кини айар хайысхаларыттан - манна баар таптал нарын долгуна, айылга кэрэ костуутэ, торообут дойдуга сугуруйуу...
Ответить
Аксиния Обутовв
0 Аксиния Обутовв 18.11.2020 00:16
Бу ыстатыйага соптоох этии киирбитин ойуубут!
Ответить
Баһылай Посельскай
0 Баһылай Посельскай 18.11.2020 00:22
Оҕотуттан кырдьаҕаһыгар тиийэ Луҥха Өлөксөй ырыаларын олус сөбүлээн ыллыыллар, ол иһигэр мин эмиэ. Матыыптара судургулар өйдөнүмтүөлэр дьиҥ норуот ырыалара. Саамай сөпкө бириэмэтигэр туруорсаллар, олус бэрт сыанабыллар! Народнай аат иҥэриллиэн наада!
Ответить
Лена Монастырева
0 Лена Монастырева 18.11.2020 13:09
Алексей Кириллович Калининскай айан таьаарбыт ырыалара туспа дууьалаах,кэрэ5э,сырдыкка анаммыт курдуктар. Саамай се5ерум диэн Алексей Кириллович олус сурэхтээ5иттэн,улэьититтэн куруук суурэ,тэрийэ,тэрийсэ,кимиэхэ эрэ кемелеье,ол быыьыгар баянын илиитигэр ылан ейугэр кетен туспут матыыбын оонньоон ылыытыгар тиийэ.. 90-с сыллардаахха киэн-нэлэмэн Сахабыт Сирин гастролларынан иилии эргийбиппэр,нохтолоох суоэ5им долгуйа,махтайа керер сирдэринэн сылдьыбыппар,махталлаах,тапталлаах керееччулэрбин кытта билсиьиннэрбитигэр мунура суох махтанабын Алексей Кириллович Калининскай, утуену уксэтэр,кэрэни кэрэхсэтэр,улэ уеьугэр дьонун-сэргэтин кытта тэннэ сылдьар киьи Норуот артыыьа урдук аатын сугэр кэмэ кэллэ дии саныыбын.
Ответить
Зинаида Нератова-Туп
0 Зинаида Нератова-Туп 18.11.2020 13:34
Дьоһун үлэлэрдээх үтүө киһибит Алексей Кириллович Калининскэй Луҥха Өлөксөйө, үтүмэн үгүс үлэлэрин истэбит, билэбит, үрдүктүк сыаналыыбыт. Инники айымньылаах, саҥа саҕахтаах үлэлэригэр өссө үрдүк үрдэллэри баҕарабыт. Сахабыт сирин тыйыс тымныытыныы кыбыс кытаанах доруобуйаны, дириҥ силистээх тиит маһыныы чөл туруктааҥ чиҥ олоҕу.
Ответить
Мариса Васильева
0 Мариса Васильева 18.11.2020 13:40
Саамай сөптөөх боппуруос көтөҕүллэр. Бочуоттаах буолбута ыраатыа этэ. Ырыа күнэ бигэргиирэ буоллар Алексей Кириллович саамай баҕа санаата туолуох этэ. Туһааннаах дьонтон көрдөһөбүт .
Ответить
Анастасия Игнатьева
0 Анастасия Игнатьева 18.11.2020 14:32
Биир дойдулаахпыт,ытыктыыр ,убаастыыр киһибит,убайбыт А.К.Калининскай-Луҥха Өлөксөйө,улахан музыкаҕа анаммыт сүҥкэн тэрээһиннэри,ырыа конкурустарын,көмө акцияларын тэрийэн ыытар,СӨ ырыа күнүн олохтообут,культура үтүөлээх үлэһитэ,бастакы мелодистар,композитордар ассоциация бэрэсэдээтэлэ,Саха ырыатын сайдыытын фондун тэрийбит,Мукучуга музыка оскуолатын ,Куокуйга"Сибэкки биһикки"духуобунас искибиэрин туттарбыт,кэнники кэмҥэ Марш,Гимн мелодиятын айбыт,билигин да үлэ үгэнигэр сылдьар ,элбэх былааннардаах,ыра санаалардаах киһибитигэр Народнай аат иҥэриллэрэ наадалаах дии саныыбын!
Ответить
Анастасия Игнатьева
0 Анастасия Игнатьева 18.11.2020 15:09
Алексей Кириллович айар үлэтинэн эрэ муҥурдаммат,былырыын күһүн түүн эмискэ дьиэбит умайан туга да суох таһырдьа туран хаалбыппытыгар ,аан бастакыннан метериальнай көмө оҥорон ,куоракка сүүрэн-көтөн кэнсиэрт тэрийэн сүҥкэн көмө оҥорон санаабытын көтөхпүтэ,олоххо эрэлбитин үөскэппитэ элбэҕи этэр...Күндү киһибит этэҥҥэ буол,дьиэ кэргэнҥҥинээн дьоллоохтук ,уһуннук олоруҥ!Айар-тутар аартыгын өссө да арылла турдун!
Ответить
Иванова Ксения
0 Иванова Ксения 18.11.2020 15:25
Алексей Кириллович айар үлэтин айхаллыахха,үйэлэргэ суруллан хаалбыт үлэлэрин уруйдуохха уонна махтаныахха эрэ сөп. Үлэлэрин үрдүктүк сыаналыыры уонна айар тутар үлэтигэр ситиһиилэри баҕарабын!!!
Ответить
Павел Липатов
0 Павел Липатов 18.11.2020 16:07
Мин Алексей Кирилловичтыын 2014 сылтан билсэбин. Ити сыл билсиьиэхпиттэн "Айыы кыһата" оскуола үөрэнээччилэрэ, учууталлара, төрөппүттэрэ буоламмыт оскуолабыт иһинэн Ырыа күнүн тэрийэр буолбуппут, ону таһынан куоракка ыытыллар Ырыа күнүн тэрээһинигэр сыл аайы кыттабыт. Алексей Кириллович Айыы кыһатын үөрэнээччилэрин кытта оскуолабыт гимнын суруйбута. "Саргыбыт сайыннын", "Ырыа күнэ" Төннө туруом дойдубар о.д.а ырыаларынан учууталлар, төрөппүттэр, үөрэнээччилэр буолан тэрээһиннэргэ кыттабыт. Алексей Кирилловичка ситиһиини өссө элбэх үрдэллэри баҕарабыт! Саҥа ырыалар өссө да айылла турдуннар! Сахабыт сиригэр Саргыбыт сайыннын!
Ответить
Лена Керемясова
0 Лена Керемясова 18.11.2020 16:40
Поддерживаю талантливого человека Алексея Калининского за энтузиазм, работоспособность.За подвижническую деятельность во имя якутской песни!
Ответить
Марианна Макарова
0 Марианна Макарова 18.11.2020 20:41
Уб. Алексей Кириллович Саха ырыата дьоллоох тускутугар сүҥкэн кылааккын үрдүктүк сыаналаан үлэлээбит үлэҥ норуоту сомоҕолоон бүгүн тус ааккар үгүс махтал тылларын тутаҕын үтүө тылларга өйөнөҕүн! Үрдүк аакка түһэриини саамай сөптөөх диэн этэн туран Чурапчыттан ырыа айааччы Марианна Макарова.
Ответить
Розалия Тихонова
0 Розалия Тихонова 18.11.2020 21:33
Ор сылларга бииргэ алтыспыт догорбут Алексей Кириллович Калининскай Аар Айыыьыта аартыктарын арыйан анаан ыыппыт суолунан сирдэтэн, оьуор анньар тэнинэн музыка кэрэ эйгэтигэр, саха норуотун ылбагай ырыата ылланарын туьугар сыратын биэрэн улэлээн, айан-тутан уунэр ыччакка утуо сайдар аартыгы тэллэ. Биьиги киэн Ньурба айар талааннахтара Алексей Кириллович дьоьун аймньыларын киэн тутта сыаналыыбыт, айар улэтин аартыктара, алгыс курдук арыллан, дьоьун аакка тиксэн, улэннэн симэммит айымньылаах олого сыаналанарыгар бага санаабыт бастынын тиэрдэбит.
Ответить
Розалия Тихонова
-1 Розалия Тихонова 18.11.2020 21:34
Биир киьи куолаьа бэрдин иьин салгытыа, уон араас утуо санаа доргооно доргоонноохтук, биьиги куоласпыт иьиллиэ диэн туран, санааннан санааны дабайан, бары утуо санааларга кыттыьабыт, ойуубут. Эрэли кытта композитор Афанасий Моргусов, самодеятельнай композитор Егор Подикарпов, Ньурба улууьун култуура департаменын салайааччыта Розалия Тихонова.
Ответить
Владимир Васильев
0 Владимир Васильев 19.11.2020 10:18
Саамай сепке этиллибит. Мин уонча сыллаа5ыта студенныы сылдьан Алексей Кириллович тэрийбит "Сахам сааьа" диэн ансамбылыгар ыллаабытым. Элбэх ырыа ылламмыта, холобура, "А5ам алааьа" уонна военнай ырыаларга попурри, "Гимн ХИФУ", "О5о сааьым сарсыардата" уо.д.а. Курэх бе5етугэр кыттарбыт, кырдьа5астар интернаттарыгар концертыырбыт. Учугэй ба5айы бириэмэ ааспыта. Билигин да5аны ыллаабыт о5олорбутунаан билсэ турабыт. Республикабыт араас муннуктарыгар улэ уеьугэр сылдьабыт. Мин бэйэм билигин Алексей Кириллович угус ырыатын ыллыыбын, дьон сурдээ5ин сэнээрэр, кэрэхсиир. Учууталбытыгар бары утуену ба5арабыт! ейуурбутун биллэрэбит!
Ответить
Х.Горохов-ЭЛГЭСТЭЙ
0 Х.Горохов-ЭЛГЭСТЭЙ 19.11.2020 14:39
Республикаҕа киэҥник биллэр суруналыыс Милан Афанасьев олохтоохтук суруйуутун, Алексей Кириллович Калининскайга -Луҥха Өлөксөйүгэр "СӨ норуодунай артыыһын" аатын иҥэрэргэ туруорсуутун дириҥник өйүүбүн.
Алексей Кириллович Калининскайдыын биһиги 20-тэн тахса ылланар ырыалардаахпыт. Ол иһигэр "Оҕо сааһым сарсыардата" ырыа ХХ-с үйэ сүүс бастыҥ ырыаларыгар киирбитэ. "Дьокуускай куорат", "ГУП ЖКХ РС(Я)" ырыалара айыллан, улахан күрэҕи ааһан өрөгөй ырыата буолан бигэргэтиллибиттэрэ. Итини таһынан улуустар, нэһилиэктэр, тэрилтэлэр өрөгөй ырыалара айыллан ыллана сылдьаллар.
Модун талааннаах, аҕыраабат айымньылардаах Алексей Калининскайга -Луҥха Өлөксөйүгэр "СӨ народнай артыыһын" үрдүк аатын иҥэрэргэ кэмэ-дьыла кэллэ.

Христофор Горохов-Элгэстэй,
Норуоттар икки ардыларынааҕы , СӨ суруйааччыларын Сойуустарын чилиэнэ, СӨ култууратын үтүөлээх үлэһитэ
Ответить
Лонкунова Августина
0 Лонкунова Августина 19.11.2020 20:15
Олох араас эйгэтигэр ураты санаалаах-оноолоох, үлэлиир хайысхаларыгар ис дууһаларынан ылынан, өйдүүн-сүрэхтиин умайан, тулаларыгар биир санаалаахтарын түмэн үтүмэн үлэни үмүрүтэ сылдьар дьоннортон биирдэстэрэ Луҥха Өлөксөйө диибин. Киниэхэ СӨ Норуодунай артыыһын үрдүк аатын иҥэрэри сөптөөҕүнэн ааҕабын. Кини үгүс сыллаах таһаарыылаах үлэтэ саха дьонун олоҕор күүскэ дьайар, кэрэҕэ-сырдыкка угуйар, үүнэр көлүөнэ уйулҕата чөл буоларыгар сүдү суолталаах. Саха нопуота маннык таһаарыылаах үлэлээх тумус туттар Ытык дьонун, бэйэьит даҕаны аҕыйах ахсааннаахпытын өйдөөн туран, хараҕын далыгар тутуохтаах, үлэтин-хамнаһын бириэмэтигэр үрдүктүк сыаналыахтаах. Хаһааҥҥыга эрэ хаһааммакка, кэлин диэн кэтэмэҕэйдии барбакка. Үөрдэ-көтүтэ, айар куттаах киһиэхэ модун кынат үүннэрэ...
Ответить
Anonymous
0 Anonymous 19.11.2020 23:13
Кунду Алексей Кириллович! куруут со5обун, уорэбин, махтайабыт суду айар талаанныт музыка эйгэтигэр бар дьону угуйарын. Урдук таьаарыылаах айар улэни!
Ответить
Уйбаан Чагда
0 Уйбаан Чагда 21.11.2020 08:03
Мин Луҥха Өлөксөйдүүн 1978 с билсэбит күн бүгүҥҥэ диэри ырыа ыллыгынан бииргэ алтыһан ыллаан кэллибит. Аан дойду Саһыл сыһыы бастакы ырыатын киэҥ эйгэҕэ ыллаан таһаартым. Мүрү - 80, Якутск - 80 конкурстарга лауреат буолбутум. Иккиэн да Василий Парников МҮРҮ мелодистарын, Светлана Гоголева хоругар үөрэммит дьоммут, кэлин Өлөксөй Өктөмҥө баянистар курстарыгар Егор Светлана Неустроевтары, композитор Тимофей Стручков Хаҥалас түмсүүтүгэр уһуйуллубут этэ.
1984 с Мукучуга ДМШ-ҕа директордыы олорон "Сата" эр дьон анс тэрийбитэ мин Чагдаҕа музыка учуутала этим уунан сылдьан ылласпытым Ырыаҕа уһуйуллуу оскуолатын ааспытым мелодист да быһыытынан доҕорум көмөтө үөрэҕэ элбэҕэ. Бары проектарыгар кыттыһан иһэбин 20-чэ ырыатын ыллыыбыт 2 сборникпын таһаарбыта. "Ньидьили уолаттара" анс- лым "народнай" буолбута ситиһии элбэх. Милан Афанасьев суруйуутун да ыҥырыытын да "народнай" ааты да өйүүбүт диэн ырыа куттаах Чагдалар эрэнэбит кыттыһабыт!
Ответить
Надежда Толбонова
0 Надежда Толбонова 21.11.2020 13:08
Алексей Калининскай Өрөспүүбүлүкэҕэ киэҥник биллэр талааннаах ырыаны айааччы, ырыа пропагандиһа, биллэр музыкант, общественнай деятель.
Ону бары билэ-көрө, истэ сылдьабыт.
Кини араас жанрга суруйар мелодист- ырыаны айааччы,кини ырыаларын дьон -сэргэ уостан түһэрбэккэ ыллыыр.
Ордук хайҕаллааҕа, патриотическай ырыаны табыллан айар, ордук гиимнэри айар уустук, эппиэтинэстээх дьыала, аны гимн киһиэхэ тиийимтиэ, мелодията дьоҥҥо чугас , дэбигэс ылланар, буолуохтаах. Кини айбыт Дьокуускай куорат гиимнин, атын да улуустар гиимнэрин дьон чахчы ылынан ыллыыр. Алексей Кириллович ырыа сүдү суолтатын билинэргэ туһаайыллыбыт Ырыа күнүн тэрийэн ыытарга, ону Өрөспүүбүлүкэ таһымыгар билинэргэ ахсаабат кыһамньытын уурар. Кини айар-тутар үлэ үгэнигэр сылдьар .
Кини талааннаах профессионал музыкант, ырыа айааччы, пропагандист быһыытынан Өреспүүбүлүкэ норуодунай артыыһа үрдүк аатын сүгэрэ саамай сөптөөх дии саныыбын.
Н. Толбонова , култуура ветерана.
Ответить
Кириллина Ирина
0 Кириллина Ирина 22.11.2020 22:17
Алексей Кириллович Саха сиригэр культура сайдарыга сункэн кылаатын киллэрбит Деятель буолар.Кини курдук элбэх Ерегей ырыалаах автор суоза буолуо,онон Народнай артыыс званиеза саамай септеех кандидат.
Ответить
Вера Шилова
0 Вера Шилова 23.11.2020 10:21
Алексей Кириллов дьиннээх патриот, гражданин. Кини ырыаларын дор5ооно бар дьону тумэр, сомо5олуур иэйиилээхтэр, айар улэтэ ырыа ненуе оннук урдук соруктаах диэххэ сеп. Онон киниэхэ улахан сорудах баар дии саныыбын.
Алексей Кирилловичка билигин элбэх былаан, проект да баар буолуохтаах олор барыта олоххо киирдиннэр диэн ба5а санаабын тиэрдэбин. Онно ис тас турук бигэ буоллун, кыах, эрчим у5араабатын, уеруу кетуу элбээтин!
Ответить

Санааҕын суруй