Олунньу 23 күнүгэр Бүлүү улууһун кырыы сытар II Күүлэтигэр балыыһа амбулаториятын үөрүүлээх быһыыга-майгыга арыйдылар.
СӨ Доруобуйа харыстабылын министиэристибэтин пресс-сулууспата иһитиннэрбитинэн, саҥа балыыһа ФАП моделынан тутуллубут. Манна биэлсэр кэбиниэтэ, күнүскү стационар баар. Ыарыһахтарга табыгастаах буоллун диэн аныгылыы навигация холбоммут. Амбулатория дьиэтэ кэм ирдэбилигэр толору эппиэттиир. Саҥа балыыһаны 6 ый иһигэр тутан киллэрдилэр. Тутууну “СТК” тутар хампаанньа каркаас технологиятынан тутан киллэрдэ. II Күүлэт балыыһата инньэ 1991 сыллаахха тутуллубута уонна сууллар кутталлаах турбута. Онон, олохтоохторго саҥа тутуу күүтүүлээх бэлэх буолла.
