Киир

Киир

Владимир Путин атырдьах ыйыгар, алтаттан уон аҕыстарыгар диэри саастаах оҕолоох дьиэ кэргэттэри, биирдэ көрүллэр уон тыһыынча кээмэйдээх төлөбүрдэринэн хааччыйарга бырабыытылыстыба иннигэр сорук туруорбута. Бу туһунан сорукка суруллан, кини Федеральнай мунньахха ыытыытыгар, Кириэмил саайтыгар тахсыбыта. Ордук күүсттээх болҕомто, төлөөһүн ураты бэрээдэгэ инбэллит оскуола үөрэнээччилэригэр көрүллүбүтэ. Оҥоһуллубут үлэ туһунан бырабыытылыстыба балаҕан ыйын 1 күнүгэр диэри отчуоттаныахтаах.

Бу иннинэ Үлэ министиэристибэтин баһылыга Антон Котляков, биирдэ көрүллэр төлөбүрү 1,7 мөлүйүөнтэн тахса, оскуола оҕолорун иитэр дьиэ кэргэн ылыахтара диэн иһитиннэрбитэ. Ону ылар туһугар биир сайабылыанньа биэрэр сөп оҥорор – суругунан МФЦ-га тиийэн биэриэххэ сөп,  ону таһынан ПФР салаатыгар эбэтэр социальнай көмүскэл уорганнарыгар, биитэр онлайн биэрэр эмиэ көҥүллэнэр.

Владимир Путин Федеральнай мунньахха ыытыытыгар оҕолоох дьиэ кэргэттэри өйүүр саҥа хайысхалар тустарынан тыл эттэ. Чуолаан, бэрэсидьиэн элимиэннэр кыһалаҕаларын кытта ситимнээх, от ыйыттан киириэхтээх 5650 солкуобайы 16 саастарыгар диэри оҕолоох толорута суох дьиэ кэргэттэргэ төлүүргэ соруйда. Ону таһынан, судаарыстыба баһылыга сэттэ саастарыгар диэри оҕолор ыарыйдахтарына көрүүгэ балыыһа илиистэрин толору төлүүргэ соруйда. Итиэннэ, хат сылдьар олох уустук балаһыанньатыгар түбэспит дьахталлар ый ахсын 6350 солкуобай ылар буолуохтара
Тарҕат:

Санааҕын суруй

Бүтэһик сонуннар