Киир

Киир

Бу сылга муус устарга уонна ыам ыйыгар «түһүү» кэнниттэн ипэтиэкэ ырыынага чөлүгэр киирэн эрэр. Ол курдук, бу кэлэр ыйдарга ырыынак ыстаапкатын «түһүүтэ» сылыктанар. Бу туһунан «Парламентская газета» хаһыат суруйар.

Муус устарга уонна ыам ыйыгар ипэтиэкэни биэриигэ көстүбүт кыһалҕалар кылгас кэмнээх этилэр диэн министиэристибэҕэ санаталлар. Биир төрүөтүнэн Киин баан ыстаапката эмискэ 20% диэри үрдээбитэ буолар. Онуоха, маннык көстүү ипэтиэкэҕэ саҥа сайаапкалар кэлиилэрин тохтоппута.

Ол эрээри, ырыынак ыстаапката үрдээбитин даҕаны үрдүнэн, ипэтиэкэни ылыыны субсидиялаах бырагыраамалар көмөлөрүнэн чөлүгэр түһэрдилэр. Чэпчэтиилээх ипэтиэкэ 9%-ҥа диэри үрдээбитэ, оттон дьиэ кэргэн ипэтиэкэтин ыстаапката 6%-н үөһэ үрдээбэтэҕэ.

«Ипотека ырыынагын судаарыстыбаннай өйөбүлүн быһаарыныылара бу кэлэр кэмнэргэ кирэдьиити биэрии чөлүгэр түһүүтүн төрүөтүнэн буолуохтара. Онуоха, 2022 с. түмүгүнэн, субсидиялаах бырагыраамаларынан харчылаах кирэдьиити ылыы 2021 сыллааҕыны куоһарыа», - диэн Үп министиэристибэтигэр чопчуланар.      

Биэдимистибэҕэ сабаҕалыылларынан, бу сылга «первичнэй» ырыынакка ипэтиэкэ көмөтүнэн үп киириитэ тутуу салаатыгар эбии өйөбүлүнэн буолуоҕа. Маны таһынан, ити кэнниттэн ипэтиэкэҕэ ырыынак ыстаапката кыччыырын, Киин баан бэлиитикэтэ «сымнаабытын» түмүгэр «вторичнай» ырыынаакка «спрос» чөлүгэр түһүүтүн сылыктыыллар.  

 

Тарҕат:

Санааҕын суруй